hamza: أحسن نيش مربح في اليوتوب وطريقة العمل عليه

الخوت السلام عليكم

اليوم إن شاء الله غانشرحلكوم نيش اللي تخدمو عليه في اليوتيوب اللي واعدتكوم بيه البارح..

النيش اللي غانخدمو عليه هو music ونتوما غاتختارو واحد من هادو وتخدمو عليه:

moivational music

remix music

inspiration music

relax music

,,,,,,,

غير قلبو قاتلقاو بزاف ديال الكلمات الدلالية من هاد النوع واللي الفيديوهات ديالها كاتحقق الملايين المشاهدات....

أول حاجا غاديروها هو تحميل برنامج camtasia studio ولا CyberLink PowerDirector 14 من أجل تسجيل ما ستقومون به

ثاني حاجا تحميل برنامج Electronic Piano 2.6

هاد البرنامج بحال إيلا عندك بيانو ديال بصح فيه أزيد من 120 إيقاع يمكنك الإشتغال عليه..

المهمة ديالكوم هي فتح برنامج لتسجيل الشاشة بالصوت والصورة واحد من هادوك اللي الفوق

وغاتركبو السماعة في pcc باش منين تبداو تسجلوا الشاشة تبقا تسمع غير الموسيقى يعني الصوت الداخلي ديال الجهاز فقط وبدا تخدم بلوحة المفاتيح حيت منين تفتح البرنامج ديال البيانو لوحة المفاتيخ غادي تحول أوتوماتيكا لآلة بيانو لكن قبل ما تبدا تخدم قسم الشاشة على جوج الجهة الأولى حط فيها الجزء الخاص بالبرنامج والجهة الثانية حط فيها الجزء الخاص ببرنامج تسجيل الشاشة مع تحديده على صورة معينة لها علاقة بالموسيقى أو أيا كانت باش تبان التصويرة بوحدها مع الموسيقى

فيما يخص كيفية العزف على البيانو راه ساهلة بزاف غير بداو تخربقو شويا باش يكمل الفيديو ولا من الأفضل تشوفو شي فيديوهات كايشرحو كيفاش تصاوب مثلا شي معزوفة بسيطة باش الفيديو ديالك يطلع مزيان

أما فيما يخص الكلمات الدلالية ختارو شي ميكرو نيش خدمو عليه كيما قلتلكوم فالبداية مثلا : inspiration music كتبوها في يوتيوب وتجسسوا على الكلمات الدلالية ديال أعلى الفيديوهات نسبة من المشاهدة فهاد الكلمة ةحطوها في تاج ديالكوم وشوفو الوصف حتا هو وعدلو عليه شوية وحطوه في الفيديو ديالكوم

المهم القضية راه ساهلة بزاف... دابا نخليلكوم الفرصة للإبداع ديالكوم إلى عرفت كيفاش تخدم راه غادي تمشي بعيد..

واش القضية مفهومة ولا ندير شي فيديو نشرحلكوم داكشي عملي

كانستنا التعليقات ديالكوم

وبالتوفيق للجميع إن شاء الله والمزيد من الدولارات